سنڌڙي۾ مڇر مار اسپري نـ ٿيو مرد ، عورتون ۽ معصوم ٻارڙا مليريا سميت مختلف بيمارين ۾ وڪوڙجي ويا
سنڌڙي ؛ رپورٽ ؛شھبازشر
سنڌڙي ۾ مڇر مار اسپري نـ ٿيو مرد ، عورتون ۽ معصوم ٻارڙا مليريا سميت مختلف بيمارين ۾ وڪوڙجي ويا ، صحت کاتو اگهور ننڊ سمهي رهيو ،اسپري جي مد ۾ ايندڙ پئسا هڙپ
- ، احتجاجن ، شڪايتن باوجود ڊپٽي ڪمشنر ميرپورخاص توڙي ڊي ايڇ او ميرپورخاص جي ڪن تي ڪا جون ءَ بـ چري نـ سگهي ، شهر توڙي ٻهراڙي وارن علائقن مڇرن جي وڌندڙ آزار سبب سوين ماڻهو موذي مرضن ۾ وڪوڙجي ويا ،ڊپٽي ڪمشنر ميرپورخاص کان ويندي ڊي ايڇ او ميرپورخاص ۽ ايم ايس سنڌڙي مڇر مار اسپري نـ ڪرايو آهي معصوم ٻارڙا ۽ وڏا بيمارين ۾ وٺجي ويا آهن ڪير بـ ٻڌڻ وارو نـ آهي شهرين جو احتجاجي مظاهرو ،، خبر موجب ؛ سنڌڙي ۽ ڀروارن علائقن ۾ هن سال مڇر مار اسپري نـ ٿي سگهيو ، شهر توڙي ٻهراڙي وارن علائقن ۾ مڇرن جي وڌندڙ آزار سبب سون جي تعداد ۾ معصوم ٻارڙا ، مرد ۽ عورتون مليريا ، خارش ، بخار سميت مختلف بيمارين ۾ وٺجي ويا آهن ، جنهن جو صحت کاتي ڪوبـ نوٽيس نـ ورتو آهي ، شهرين توڙي ساڃاهه وند ڌرين جي احتجاجن ۽ شڪايتن باوجود ڊپٽي ڪمشنر ميرپورخاص ۽ ڊي ايڇ او ميرپورخاص جي ڪن تي ڪا جونءَ بـ چري نـ سگهي آهي ، جيڪي علائقي واسين جو شڪايتون هڪ ڪن مان ٻڌي ٻي ڪن مان ڪڍيو ڇڏين ، واضع رهي تـ هر سال ميرپورخاص ضلعي ٻين شهرن جيان سنڌڙي ۾ مڇر مار اسپري ڪيو ويندو آهي مگر هن سال نااهل ڪامورن جي ڪري اسپري نـ ٿي سگهيو آهي ۽ اسپري جي مد ۾ ايندڙ پئسا بـ هڙپ ڪيا ويا آهن
No comments:
Post a Comment