ڪراچي ۽ حيدرآباد سوڌو سڄي سنڌ ۾ ايم ڪيو ايم جون آفيسون سيل، ڪي ڪي ايف جي ايمبولينس سروس به بند
اڱارو 23 اگسٽ 2016
ڪراچي/حيدرآباد:ڪراچي ۾ ايم ڪيو ايم پاران ميڊيا هائوسز تي حملن ۽ پاڪستان خلاف نعرا هڻن کانپوءِ سڄي سنڌ ۾ آپريشن ڪيو پيو وڃي، جنهن دورانِ ڪراچي ۽ حيدرآباد سوڌو مختلف شهرن ۾ متحده قومي موومينٽ سموريون آفيسون سيل ڪيون ويون آهن،جڏهن ته متحده جي تنظيم ڪي ڪي ايف (خدمت خلق فائونڊيشن) جي ايمبولينس سروس به بند ڪئي وئي آهي، متحده سربراهه جي پاڪستان خلاف بيان کانپوءِ رات دير تائين ڪراچي ۾ رينجرز پاران آپريشن ڪيو ويو، سڄي رات جاري ڪارروائين دوران ڪراچي ۾ ايم ڪيو ايم جي مرڪز نائين زيرو، خورشيد ميموريل سيڪريٽريٽ، ايم پي اي هاسٽل ۽ ميڊيا سيل کي سيل ڪيو ويو، ڪاررواين دوران ملڪ دشمن مواد ۽ هٿيار به هٿ ڪيا ويا، رينجرز اهلڪارن ايم ڪيو ايم جي مرڪز نائين زيرو جا ڪمپيوٽر ۽ دستاويز به ضبط ڪري ڇڏيا آهن،ٻئي پاسي سڄي شهر ۾ رينجرز ۽ پوليس آپريشن ڪندي متحده جون ڪيتريون ئي آفيسون سيل ڪيون ويون آهن، جن ۾ پي آءِ بي سيڪٽر، گلستان جوهر يونٽ آفيس، شاهه فيصل آفيس ۽ ٻيا سيڪٽر شامل آهن،حيدرآباد، ميرپورخاص، ڄامشورو،سکر ۽ نوابشاهه سوڌو سڄي سنڌ ۾ پڻ ايم ڪيو ايم جون زونل آفيسون سيل ڪري پوليس کي مقرر ڪيو ويو آهي.001
No comments:
Post a Comment